• 01.03.2024 08:38

Футбол. Ліга Чэмпіёнаў. Масімільяна Алегры: “Заўтра вельмі важны матч дзеля нашага лідэрства ў групе”

Редакция

Автор:Редакция

Окт 31, 2011

— Як сябе адчувае Антоніа Касана? Пасля матчу з “Ромай” ён быў шпіталізаваны.

Джанлука Дзамброта:

— Уся каманда вельмі перажывае за ягоны стан, мы тэлефануем Антоніа, даведваемся, як ён. Пакуль усё добра і, спадзяемся, хутка ён выйдзе на поле, але дакладныя тэрміны я вам назваць не магу.

— Што наконт Баатэнга? Ягоны выхад таксама стаяў пад пытаннем, ды і ўвогуле, як будзе выглядаць італьянская лінія паўабароны?

Масімільяна Алегры:

— Калі нічога не зменіцца, Кевін заўтра будзе ў стартавым складзе. Таксама згуляе Зеедарф. Што тычыцца лініі абароны, то мы ўбачым Джанлуку Дзамброту і Ін’яцыа Абатэ.

— Ці не хвалююць вас такія шматлікія траўмы напачатку сезона?

Алегры:

— Я не бачу праблем з траўмамі. Іншыя недахопы ёсць, і яны больш важныя.

— Перажываеце перад гульнёй з БАТЭ?

Алегры:

— Не, мы паказалі вельмі добры футбол у суботу з “Ромай” і не збіраемся зніжаць тэмпы. Заўтра вельмі важны матч дзеля нашага лідарства ў групе з пункту гледжання турнірнага палажэння. Мы павінны перамагаць БАТЭ і потым спакойна рыхтавацца да матчу з “Барсай”. Трэба проста, каб нашыя гульцы зразумелі важнасць гэтай сустрэчы, і тады ўсё будзе добра.

— Няма недаацэнкі суперніка?

Дзамброта:

— Не, мы ўсе ведаем, што гэта Ліга Чэмпіёнаў, і слабых клубаў тут няма. Будзем гуляць на поўную моц.

— Як ацэньваеце свае шанцы заняць першае месца ў нашым квартэце?

Алегры:

— У нас вельмі шмат сустрэч, з такой іх колькасцю цяжка нешта прадказваць. Будзем глядзець, што атрымаецца далей, і спадзявацца на лепшае.

— Чаму адмовіліся ад трэніроўкі на “Дынама”?

Алегры:

— Не хачу, каб вы палічылі гэта за знявагу апанента. Гэта нашая звычайная практыка, мы заўжды трэніруемся перад самым вылетам і потым адразу выходзім на матч.

— У аэрапорце вас чакала шмат мясцовых заўзятараў “расанэры”. Чаму вы іх праігнаравалі?

Алегры:

— Мы вельмі спяшаліся хутчэй трапіць у гасцініцу, а свой аўтограф кожны паспее атрымаць каля яе.

— Чаму на поле дагэтуль не выходзіць Філіпа Інзагі? Ён не заяўлены ў Лігу Чэмпіёнаў, але і ў Серыі А пакуль не гуляў.

Алегры:

— Піпа быў без футболу 10 месяцаў. Мы хочам быць да канца ўпэўненымі ў тым, што ягоная траўма залечаная.

—Вашая каманда вельмі шмат забівае, але і прапускае значна больш, чым у мінулым годзе. Чаму так адбываецца?

Алегры:

— Калі вы бачылі нашыя апошнія матчы, то маглі заўважыць, што большасць галоў можна назваць выпадковымі, іх не павінна было быць. Таксама вялікая колькасць забіта са стандартаў. Таму я не перажываю за абарону “Мілана”.

Zambrotta

Дзамброта:

— Так, мы прапускаем значна больш, чым год назад. Здаецца, нам проста не хапае ўважлівасці ў асобных момантах. Але мы працуем над сабой і выпраўляем памылкі.