Беларускія самбісты паспяхова пачалі выступленне на чэмпіянаце Еўропы сярод спартсменаў да 21 года, які праходзіць у сербскім Нові-Садзе.
У скарбонцы зборнай — пяць узнагарод: адна залатая, тры срэбныя і адна бронзавая. Чэмпіёнкай у вагавой катэгорыі да 72 кг стала Дар’я Навіцкая. На шляху да тытула яна перамагла саперніц з Грэцыі, Латвіі і Арменіі.
Срэбныя медалі ў сваіх вагавых катэгорыях заваявалі Васіль Бутько (да 88 кг), Арцём Каўцюх (звыш 98 кг) і Вера Мінчэня (да 59 кг). Бронзу ў катэгорыі да 58 кг узяў Іван Шадрын.
Спаборніцтвы працягваюцца: 23 красавіка будуць разыграны медалі ў астатніх вагавых катэгорыях — па тры камплекты ў мужчын і жанчын у спартыўным самба.
Напярэдадні ў Нові-Садзе таксама прайшоў чэмпіянат Еўропы сярод юніёраў да 18 гадоў. Там беларускія самбісты заваявалі 12 узнагарод: дзве залатыя, чатыры срэбныя і шэсць бронзавых.