У гэтым туры ніводзін(!) з лідэраў не адчуваў сябе ў спакоі! Аднак, што цікава, ніхто з першай тройкі не згубіў ачкі. “Гарадзея” саступала ў цэнтральным матчы сталічнай “Зорцы-БДУ” пасля голу мінчаніна Буяка, але дзякуючы галам Тарлікоўскага і Аляксандра Баранава вырвала перамогу. Сталічныя футбалісты насамрэч гулялі як і ў папярэдніх матчах, то бок досыць упэўнена пераходзілі на чужую палову поля, вялі свае атакі, але “Гарадзея” ўсё ж аказалася мацнейшай за саперніка. “Зорка-БДУ” так і не здолела парваць з серыяй, дзе яны ніяк не могуць абыграць “Гарадзею”. Гэта была ўжо сёмая гульня клубаў паміж сабой, “Гарадзея” адсвяткавала пятую перамогу над армейцамі. А “Зорка-БДУ” да таго ж не падоўжыла серыю, якая складалася з чатырох буйных перамог запар.
.
“Клечаск” у хатнім паядынку толькі ў апошнія 20 хвілін схіліў вагі на свой бок, дзякуючы голу Некрашэвіча. А сапернік жа ня быў такім жахлівым – усяго толькі сціплы “Гомель-2”!
.
“Слуцкцукар” гуляў на выездзе з “Лівадыяй”. Матч у Дзяржынску зусім не складваўся паводле плану случакоў, забіць ім давялося толькі на 72-й хвіліне. Замест плануемага лёгкага выезду і элементарнай перамогі “Слуцкцукар” атрымаў каманду, гатовую бараніцца ад нападу ўсе 90 хвілін. Тым не менш лівадыйская фартэца не стрывала. 0-1.
.
Чарговы раз назіраецца вялікае незадаволенасць сваім клубам сярод фанатаў “Маладзечны”. У гэтым туры каманда выйграла, ды й у гасцях. Але… Абыграны быў “Жлобін”, які раздушылі ў мінулым туры футбалісты “Слуцкцукра” з лікам 6:0! А забілі гульцы “Маладзечны” ў страшэнных муках толькі на 86-й хвіліне. Так што цяпер 7-е месца клуба ў табліцы зусім не падаецца заніжаным.
.
“Спартак” прынес радасць на вуліцу “ХБК-2”. Аўтсайдэр чэмпіянату зраўняў лік і прывез са Шклова 6-ае ачко. Неяк не верыцца, што каманда, якая ўмее дамагацца выніку, але ёй не хапае вопыту скончыць чэмпіянат без перамог. Падаецца, што пад канец чэмпіянату гамельчукі набяруць некалькі перамог у скарбонку.
.
“Асіповічы” ў гульні супраць “Оршы” збольшага адбіваліся ад гаспадароў, некалькі разоў аршанцы неверагодным чынам “мазалі” з выгадных пазіцый і былі ўрэшце рэшт за гэта пакараныя. Асіповічцы напрыканцы матчу збеглі ў контратаку і Дзмітрый Аніскевіч забіў свой чарговы мяч у чэмпіянаце. Асіповічцы з вялізнымі праблемамі прывозяць у свой горад 3 ачкі.
.
“Белтрансгаз” і “Вертыкаль” у вочнай сустрэчы зафіксавалі адзіную нулявую нічыю ў туры. “Вігвам” крыху наблізіў сам сябе да сярэдзіны, калі абгуляў “Нёман”, прычым у мастах. Голам у пераможцаў адзначыўся на 35-й хвіліне Захарань. Адзін з самых цікавых паядынкаў – “Бяроза-2010”-“Гомельчыгункатранс” скончыўся перамогай гасцей. Чыгуначнікі шмат чаго даведаліся ў папярэднім туры, калі саступілі 1:5 “Гарадзеі”, і цяпер прымянілі веды ў Бярозе. Галы Коцура і Савіцкага адзін у канцы першай паловы, другі напачатку другой забяспечылі гасцям вікторыю з лікам 2:0.
.
Па выніках туру ўся пяцёрка, што была перад ім наверсе засталася на сваіх пазіцыях. Пабачым, што будзе ў “юбілейным”, 20-м туры.
.
Аўтар: Арцём Сізінцаў
| Команда | М | В | Н | П | РМ | О | |
|---|---|---|---|---|---|---|---|
| 1 | Городея | 34 | 27 | 3 | 4 | 112-29 | 84 |
| 2 | Слуцксахар (Слуцк) | 34 | 25 | 6 | 3 | 79-30 | 81 |
| 3 | Клеческ (Клецк) | 34 | 24 | 4 | 6 | 91-35 | 76 |
| 4 | Молодечно | 34 | 17 | 6 | 11 | 69-52 | 57 |
| 5 | Звезда-БГУ (Минск) | 34 | 15 | 10 | 9 | 76-47 | 55 |
| 6 | Береза-2010 | 34 | 16 | 6 | 12 | 57-55 | 54 |
| 7 | Гомельжелдортранс | 34 | 16 | 4 | 14 | 63-58 | 52 |
| 8 | Осиповичи | 34 | 15 | 5 | 14 | 51-64 | 50 |
| 9 | Неман (Мосты) | 34 | 14 | 6 | 14 | 54-50 | 48 |
| 10 | Спартак (Шклов) | 34 | 14 | 6 | 14 | 54-59 | 48 |
| 11 | Вигвам (Смолевичи) | 34 | 10 | 11 | 13 | 32-41 | 41 |
| 12 | Белтрансгаз (Слоним) | 34 | 9 | 13 | 12 | 46-55 | 40 |
| 13 | Гомель-2 | 34 | 9 | 9 | 16 | 37-48 | 36 |
| 14 | Жлобин | 34 | 10 | 4 | 20 | 48-74 | 34 |
| 15 | Орша | 34 | 10 | 3 | 21 | 40-75 | 33 |
| 16 | Вертикаль (Калинковичи) | 34 | 8 | 8 | 18 | 42-67 | 32 |
| 17 | Ливадия (Дзержинск) | 34 | 5 | 6 | 23 | 25-81 | 21 |
| 18 | ДСК-2 (Гомель) | 34 | 3 | 8 | 23 | 19-75 | 17 |