Футбол. Другая лiга. Ну і расцягнуўся гэны 15 тур!

15 тур у другой лізе быў вельмі расцягнутым. Першыя матчы былі праведзеныя 14-га ліпеня, а ўжо завяршаўся тур праз тыдзень. Адкрываў тур матч “Гомельчыгункатранса” і шклоўскага “Спартака”. Гамяльчане цяпер спраўна набіраюць ачкі, каманда заканамерна ўвайшла ў першую пяцёрку, шклаўчане наадварот надта часта губляюць балы і цяпер іх можна назваць толькі сераднякамі. Чыгуначнікам удаўся добры матч, а гол Савіцкага прынёс ім перамогу. Чарговая параза “Спартака”.

.

“Жлобін” у роўнай гульне выдраў тры ачкі ў “Вігвама” ўсяго за чатыры хвіліны да фінальнага свістку. Героем усяго Жлобіна стаў Уладзімір Сіманенка.

.

Ну і канечне ж, ”Бяроза-2010”! Як заўсёды гэтая каманда паўдзельнічала ў трылеры. Прапусціла ў гасцявым матчы супраць мастоўскага “Нёмна” хуткі гол, бліжэй да заканчэння паловы сустрэчы двойчы запар забіла, але ў сярэдзіне другога тайму ўсё ж такі прапусціла. Так жа, як для “Клечаска” звыкла “набіваць” у рамку саперніка больш за тры галы, так жа і для бярозаўцаў ёсць звычкай гуляць 2:2 ці неяк накшталт гэтага.

.

У “Оршы” атрымаўся хуткі гол, аўтарам катораму стаў Уладзімір Алфімцоў. Тое крышку агаломшыла “Гомель-2”. Другі гол у вароты гаспадароў праводзіў таксама футбаліст, чые абавязкі засяроджваюцца збольшага на абароне – Раман Малафееў. У дуэлі аўсайдэраў нічога цікавага не было – “Зорка-БДУ” памучылася з забіццём першага галу 25 хвілін, а потым проста дабіла саперніка. Бедны гомельскі “ХБК-2” відавочна не спраўляецца з адказнасцю, выглядае слабейшым ад усіх. Сапраўды добрае выступленне наведалі заўзятары футболу ў Калінкавічах. На мясцовым стадыёне “Юнацтва” першымі вызначыліся госці – ветэран айчыннага футболу Мігас прыйшоў на дапамогу партнёрам, якія праглі забіць рана. Праз 10 хвілін знаны снайпер Аніскевіч папоўніў скарбонку асіпаўчанаў, аднак затым у гасцей гульня не пайшла, і калінкавічцы зраўнялі лік на старце другога тайму намаганнямі Лапцева, які аформіў дубль. І ўсё ж “Асіповічы” дамагліся свайго: ужо на 90-й хвіліне яшчэ адзін вядомы асіповіцкі забівала Кахно не пакінуў ніякіх шанцаў брамніку гаспадароў. Рэзка змянілася плынь у сустрэчы “Маладзечна” з “Белтрансгазам” – Дубль Вышынскага ўжо ў другім тайме, як падавалася, абяззброіў бедных слонімцаў. Аднак не. Тыя ўмудрыліся за 5 хвілін зраўняць лік і ўтрымалі яго да самага канца. Вось так сціплы “Белтрансгаз” адабраў каштоўныя ачкі ў гасцях.

.

А што з лідэрамі? “Клечаск” доўга намагаўся прабіць вароты дзяржынскай “Лівадыі”. Магчыма, усё было б яшчэ горш, аднак Ілінгін напрыканцы першага тайму забіў настолькі неабходны “гол у раздзявальню”. А скончылася дзеянне як звычайна: для “Клечаска” цалкам звыкла забіваць па чатыры галы штоматч. “Слуцкцукар” і “Гарадзея”, як вядома, сустракаліся адно з адным, матч быў цэнтральны і без галоў не прайшоў. Гэта супрацьстаянне можна назваць яшчэ і “цукровым дэрбі” – калі паглядзець на дабрадзеяў каманд. “Гарадзея” пакуль што бліскуча выступае ў Кубку Беларусі, у 1/16 фіналу гарадзейцы расправіліся з “Гранітам” з Мікашэвічаў 3:0! І гэта з камандай, што яшчэ летась прадстаўляла вышэйшую лігу! Зрэшты, такія пературбацыі для нашай краіны не такія рэдкія. Юрый Сыраквашка ў матчы са “Слуцкцукрам” забіў чарговы раз,  але “Слуцкцукар” аказаўся не настолькі гасцінным, каб яшчэ і прайграць прамому канкурэнту на вачах родных фанатаў. Касцюкевіч з пенальці зрабіў нічыю. Хаця потым Уладзімір Макоўскі трапіў у перакладзіну, нічыя засталася на табло.

.

Аўтар: Арцём Сізінцаў

.

Вынікі:

.

Гомельчыгункатранс 1:0 Спартак (Шклоў)

63′ Дзмітрый Савіцкі

.

Лівадыя (Дзяржынск) 0:4 Клечаск (Клецк)

45+1′  Міхаіл Ілінгін

48′  Васіль Клачкоў

57′  Андрэй Лапшын

90+2′  Алег Некрашэвіч

.

Жлобін 2:1 Вігвам (Смалявічы)

35′ Віктар Лагуцін

86′ Уладзімір Сіманенка

15′  Ягор Сямёнаў

.

Нёман (Масты) 2:2 Бяроза-2010

13′ Сяргей Клімец

72′ Дзмітрый Копаць

33′  Леанід Варанко

37′ Міхаіл Краўчук

.

Гомель-2 0:2 Орша

10′  Уладзімір Алфімцоў

72′  Раман Малафееў

.

Зорка-БДУ (Мінск) 4:0 ХБК-2 (Гомель)

25′ Дзяніс Трапашко (п)

35′ Яраслаў Шкурко

37′ Максім Бабакоў

52′ Юрый Юрчанка

.

Слуцкцукар (Слуцк) 1:1 Гарадзея

69′ Дзяніс Касцюкевіч (п)

22′  Юрый Сыраквашка

.

Маладзечна 2:2 Белтрансгаз (Слонім)

49′ Дзмітрый Вышынскі

64′ Дзмітрый Вышынскі

78′  Алег Г. Герасімчык

82′  Яўген Савонь

.

Вертыкаль (Калінкавічы) 2:3 Асіповічы

49′ Дзяніс Лапцеў

58′ Дзяніс Лапцеў

10′  Дзмітрый Мігас

22′  Дзмітрый Аніскевіч

90′  Аляксандр Кахно