Да заканчэння чэмпіянату застаецца тры туры, а змаганне за пуцёўкі ў першую лігу працягваецца. “ Гарадзея” на выхадныз паспяхова прайшла адзнаку ў 100 забітых галоў! Такое здараецца рэдка, а таму нельга не адзначыць бамбардзірскі спрыт лідэраў. Непасрэдна ў самім матчы, а гуляла “ Гарадзея” з мастоўскім “ Нёманам” у гасцях, ніякіх пытанняў не ўзнікла. Дублі Уладзіміра Макоўскага і Дзяніса Шынгірэя плюс чарговы гол Юрыя Сыраквашкі – у мастоўцаў знайшоўся адказ толькі аднойчы – забіў Астаповіч. 1:5, а юбілейны 100-ты гол каманды ў чэмпіянаце якраз на рахунку Сыраквашкі.
.
Ніякіх праблем не адчуў “ Клечаск” . “ Жлобіну” не ўдалося доўга ўтрымліваць стартавыя нулі. На 14-й хвіліне Давыдзенка пазнаёміў гаспадароў са сваім ударам. Далей двойчы забіў Віскушэнка і гульня была зроблена.
.
Затое “ Слуцкцукар” згуляў не так упэўнена. Не, наблізіцца да сябе ён “ Клечаску” не дазволіў, аднак у матчы з “ Белтрансгазам” шмат забіць не здолеў. Адзіны і пераможны гол на рахунку Якубоўскага, і той з пенальці. Але крытыка застаецца крытыкай, а ў случакоў усё роўна здабыта перамога і захавана другое месца.
.
“ Маладзечна” замацавалася на чацвёртым радку пасля перамогі 7:3 над “ Оршай” . Аршанцы другі матч запар прапускаюць 7 мячоў, але на дзіва, у матчы з “ Маладзечнам” каманда магла дамагчыся большага. “ Орша” “ гарэла” 0:4 яшчэ ў першай палове, але забіла гол у раздзявальню, працягнуўшы забіваць і ў другім тайме. Лік 4:3 быў для гаспадароў небяспечным і ім дапамагло выдаленне ў саставе сапернікаў. Тры галы напрыканцы гульні прынеслі гаспадарам спакой і тры ачкі.
.
Ад гульні “ Зорка-БДУ” – “ Асіповічы” чакалі яўна большага, а яна прайшла ў адны вароты. Мінскія футбалісты перамаглі 5:0. З такім жа лікам “ Бяроза-2010” перамагла “ Лівадыю” на выездзе. Дублямі вызначыліся Герасіменка і Варанко.
.
“Вігвам” выраў перамогу ў “ Вертыкалі” . Спачатку Давідовіч сапсаваў настрой сваім партнёрам, даслаўшы мяч ва ўласную сетку, але пазней Сямёнаў выправіў памылку таварыша па камандзе. Усё вырашылася ўжо на 90-й хвіліне, калі Шульга прабіў брамніка калінкавічцаў.
.
“ Гомель-2” першым прапусціў ад “ Спартака” , затым Васілец вярнуў інтрыгу, але ўсё вырашылася ўсё адно на карысць шклаўчанаў. Удар Радзькова на 89-й хвіліне адбіць гамельчукі не змаглі, ды й часу на тое, каб адыграцца не засталося. “ Гомельчыгункатранс” без пытанняў выйграў у “ ХБК-2” . Дубль Лаўранчука і мяч Наміся – перамога ў кішэні.
.
У наступным туры будзе суперматч. “ Гарадзея” – “ Слуцкцукар” . Ці мае гэты матч быць пракаментаваным зарана? Здаецца, што на наступных выхадных каманды ўсё скажуць самі. “ Клечаск” пастараецца не дапусціць сенсацыю ў родны Клецк, бо належыць гуляць супраць “ Лівадыі” , якая, канечне ж, успрымаецца тут як той клуб, які дасць тры ачкі мясцовым улюбёнцам. Усё вырашыць футбол.
.
Аўтар: Арцём Сізінцаў
.
| Команда | М | В | Н | П | РМ | О | |
|---|---|---|---|---|---|---|---|
| 1 | Городея | 34 | 27 | 3 | 4 | 112-29 | 84 |
| 2 | Слуцксахар (Слуцк) | 34 | 25 | 6 | 3 | 79-30 | 81 |
| 3 | Клеческ (Клецк) | 34 | 24 | 4 | 6 | 91-35 | 76 |
| 4 | Молодечно | 34 | 17 | 6 | 11 | 69-52 | 57 |
| 5 | Звезда-БГУ (Минск) | 34 | 15 | 10 | 9 | 76-47 | 55 |
| 6 | Береза-2010 | 34 | 16 | 6 | 12 | 57-55 | 54 |
| 7 | Гомельжелдортранс | 34 | 16 | 4 | 14 | 63-58 | 52 |
| 8 | Осиповичи | 34 | 15 | 5 | 14 | 51-64 | 50 |
| 9 | Неман (Мосты) | 34 | 14 | 6 | 14 | 54-50 | 48 |
| 10 | Спартак (Шклов) | 34 | 14 | 6 | 14 | 54-59 | 48 |
| 11 | Вигвам (Смолевичи) | 34 | 10 | 11 | 13 | 32-41 | 41 |
| 12 | Белтрансгаз (Слоним) | 34 | 9 | 13 | 12 | 46-55 | 40 |
| 13 | Гомель-2 | 34 | 9 | 9 | 16 | 37-48 | 36 |
| 14 | Жлобин | 34 | 10 | 4 | 20 | 48-74 | 34 |
| 15 | Орша | 34 | 10 | 3 | 21 | 40-75 | 33 |
| 16 | Вертикаль (Калинковичи) | 34 | 8 | 8 | 18 | 42-67 | 32 |
| 17 | Ливадия (Дзержинск) | 34 | 5 | 6 | 23 | 25-81 | 21 |
| 18 | ДСК-2 (Гомель) | 34 | 3 | 8 | 23 | 19-75 | 17 |