Агляд 27-га туру першай лізе па футболе

Пасля матчаў 27-га туру стала зразумела: барацьба працягнецца. Тым не менш, ад барацьбы за другі радок адцягнены “ Граніт” . Мікашэвічцы дзякуючы голу Міхнаўца выйшлі наперад у матчы з “ Полацкам” , але палачанін Татарнікаў з пенальці лік зраўняў. Большага дамагчыся фаварыты не змаглі, з’ ехалі з Полацка толькі з адным балам, таму надзеі на вяртанне ў эліту “ Граніту” трэба адкласці на год. СКВІЧ меў праблемы з гродзенскім “ Белкардам” , аднак за апошнія 18 хвілін забіў двойчы. “ ХБК-Гомель” дома ўпэўнена перагуляў пінскую “ Хвалю” з тым жа вынікам. Тут лёс матчу таксама вырашыўся ў другой палове. Такім чынам перавага “ ХБК” над СКВІЧ застаецца, але па-ранейшаму хісткай. Ужо не ёсць навіной перамога “ Гомеля” . За бела-зялёных дублем адзначыўся Казека, які даўно ўжо не забіваў за клуб. “ Смаргонь” адказала голам Лужанкова – 1:2. 25-я перамога “ Гомеля” ў чэмпіянаце.

.

Сітуацыя ў нізе табліцы вельмі напружаная. “ Хваля” і “ Смаргонь” не могуць думаць, што ўсё на сезон вырашана. “ Ліда” пасля няўдалага выезду ў Баранавічы пакінула сабе хіба тэарэтычныя шанцы застацца ў дывізіёне. Цікава, што лідзяне пачалі здабываць патрэбны вынік адразу жа – Даўгілевіч на 2-ой хвіліне вывеў гасцей наперад. На 57-й хвіліне Міхальцоў з пенальці зраўняў лік, а менш, чым праз дзесяць хвілін Кудзей прынес “ Баранавічам” тры ачкі, а згодам увагнаў “ Ліду” глыбей да склепу.

.

Цэнтральным паядынкам без сумневаў быў матч у Слоніме – “ Камунальнік” – “ Ведрыч-97” . Рэчычане дзякуючы голу з пенальці ў выкананні лепшага бамбардзіра свайго клуба Ламакі вялі ў ліку, аднак стрымаць слонімцаў так і не здолелі. Званкоў яшчэ ў першым тайме сквітаў, а за чатыры хвіліны да фінальнага свістка такую неабходную перамогу слонімцам прынес Стаін. Не дарэмна нападніка набылі – другую гульню запар Стаін сур’ ёзна дапамагае. У выніку перамогі “ Камунальніка” клубы памяняліся месцамі, цяпер слонімцы апярэджваюць “ Ведрыч-97” на ачко, сапернік няхай і ўпаў у зону вылету, тым не менш, не спыніць барацьбы. У бліжэйшых трох гульянх можа адбыцца ўсё, што заўгодна.

.

Яшчэ ў двух гульнях “ Рудзенск” скончыў нулявой нічыёй матч са “ Славіяй-Мазыр” , а “ Верас” пасля галоў Равіны і Гаркушы атрымаў верх над “ Хімікам” . Варта прыкмячаць і дробязі: “ Верас” , нягледзячы на не самае нізкае месца ў турніры толькі ў гэтым туры прамінуў пазнаку ў 30 галоў. “ Ліда” жа прапусціла 50-ты гол, па прапушчаных яна таксама на апошнім месцы. “ Полацк” ужо ў 10-ты раз згуляў у нічыю – болей толькі ў “ Камунальніка” – 12.

.

Аўтар: Арцём Сізінцаў

.