Футбол. Агляд 30-га туру другой лігі

“Гарадзея” ў дадзеным туры не дала ніводнай нагоды думаць пра праблемы ў калектыве. Клуб упэўнена захоўвае першы радок. Можа быць, не зусім варта ўжываць такую канструкцыю на матч з “Лівадыяй”, але абгулялі саперніка гарадзейцы без ніводнага шанца – 6:0. Дубль на рахунку Ўладзіміра Макоўскага, голам на 89-й хвіліне вызначыўся і Юрый Сыраквашка. Своеасаблівы дубль аформіў і штатны пенальтыст “Гарадзеі” Тарлікоўскі, як можна здагадацца, абодва мячы ён правёў з пенальці.

.

Тое ж можна сказаць і пра “Слуцкцукар”. Ён пераканаўча для ўсіх разабраўся на выездзе з “Оршай”. І як звычайна ў гэтым сезоне здараецца, у туры быў матч з 7 забітымі ў вароты адной з каманд мячамі. Не прамінула такога і “Орша” – 1:7. Цікава, што пры ліку 1:2 (гол у аршанцаў правёў Хоміч), яны маглі і зраўняць лік. Не пашанцавала, а далей усё было справамі случакоў. Наогул, “Слуцкцукар” вельмі нязручны сапернік для “Оршы”. У мінулым годзе аршанцы саступілі дома 0:2 і ў гасцях 0:4. Сёлета забівалі ў кожным матчы, у тым ліку і ў кубкавым, але нязменным застаецца адно – пройгрыш. Такіх, зрэшты, як на гэтых выхадных, яшчэ не здаралася.

.
Нічыю 0:0 “Маладзечны” са “Спартаком” можна было б назваць нечаканасцю, але зробім зніжку на тое, што клубы, відаць, “дабіваюць сезон”. Нічыя была зафіксавана ў яшчэ трох матчах, у тым ліку ў гомельскім дэрбі, дзе “ХБК-2” і “Гомель-2” забілі адно аднаму па галу. 1:1, дарэчы, скончыўся і матч “Белтрансгаз” – “Нёман”. У дадзеным матчы не дзіўна, бо клубам папраўдзе нічога не трэба. А вось яшчэ адной нічыёй, відаць, засталіся вельмі незадаволенымі ў горадзе Клецку. Мясцовы клуб прывез з вандроўкі ў Смалявічы вясёлыя і ў той жа момант сумныя 2-2. “Слуцкцукар” хутчэй і стане разам з “Гарадзеяй” камандай першае лігі.
Было цікава паназіраць за матчам “Бяроза-2010” – “Жлобін”. Клубы кожны месяц, а то і па некалькі разоў “адцыбучваюць” штосьці нелінейнае, неўласцівае сваім вынікам. Бярозаўцы перамаглі 3:2. А вось “Асіповічы” не пакінулі шанцаў “Гомельчыгунцы” – 3:0. Асіпаўчане гулялі дужа ўпэўнена і не прымусілі разважаць над тым, “а што было б, калі…” і гэтак далей.

.
Наступны тур падорыць заўзятарам цікавую сустрэчу “Зоркі-БДУ”, якая выйграла ў 30-м туры “Вертыкаль” з Калінкавічаў 2:1, з “Асіповічамі”. На гэтым цікавыя матчы не скончацца. “Гарадзея” паедзе даказваць лідэрства ў Масты, “Слуцкцукар” на родным стадыёне прыме “Белтрансгаз” са Слоніма, а “Клечаск” адправіцца ў Жлобін. “ХБК-2” згуляе ў другім запар гомельскім дэрбі – на гэты раз супраць “Гомельчыгункатранса”.

.
Аўтар: Арцём Сізінцаў

.