“Гомель” не збіраецца спыняцца, а працягвае перамагаць, перамагаць упэўнена і без шанцаў. Чарговай ахвярай бела-зялёных стаў “Ведрыч-97”, які гамельчукі разбілі 6:0. Дзмітрый Платонаў правёў у матчы тры мячы, запісаўшы на свой рахунак адзін з пенальці. Адзначыўся і брат Дзмітрыя – Павел.
.
Нясвіскі “Верас” перамог “Славію-Мазыр”, “Полацк” ва ўпартай барацьбе саступіў “Хвалі”, якая ў мінулым туры крытычна наблізілася да вылету ў другую лігу. На дубль пінчука Якімава футбалісты з найстаражытнейшага гораду Беларусі здолелі адказаць толькі адным мячом у выкананні Навумава. Светлагорскі “Хімік” удала выехаў у Смаргонь – 3:1. Плячысціку і Дашуку дапамог яшчэ і футбаліст “Смаргоні” Шыла, які забіў у свае вароты. У гаспадароў вызначыўся адзін Дуксо – 1:3. Пасля разгромнае паразы “Ведрыча-97” хацелася паглядзець за “Камунальнікам”. Слонімцы дома гулялі супраць гродзенскага “Белкарда”. На 26-й хвіліне Нарковіч адкрыў лік у матчы, але ўтрымаць слонімцам лік не атрымалася. На 56-й хвіліне Голубеў зрабіў лік 1:1, “Белкард” адабраў ачкі ў суперніка, аднак для “Камунальніка” любое ачко важнае. Тым не менш слонімцы не сышлі з перадапошняга месца, дадатковыя паказчыкі ў іх горшыя ад рэчычанаў. Сур’ёзная барацьба ідзе паміж камандамі, якія прэтэндуюць на другое месца. Нечакана праваліўся “ХБК-Гомель”, які быў разбіты “Баранавічамі” 1:4. Дубль у гэтым мачты зрабіў Дзмітрый Герман. “Граніт” наадварот з такім лікам перамог у Мар’інай Горцы “Рудэнск”. Тут дублем адзначыўся Кірыл Шрэйтар.
.
СКВІЧ у барацьбе з “Лідай” прымусіў пахвалявацца свой трэнерскі штаб. Гол Біёнчыка на 22-й хвіліне так і застаўся адзіным у матчы, мінчане набралі тры ачкі і па-ранейшаму застаюцца на 3-м месцы. “ХБК-Гомель” мае 46 ачкоў, у СКВІЧа 45, а “Граніт” з 43-ма баламі на чацвертай пазіцыі.
.
Аўтар: Арцём Сізінцаў
.
| Команда | М | В | Н | П | РМ | О | |
|---|---|---|---|---|---|---|---|
| 1 | Гомель | 30 | 27 | 1 | 2 | 80-16 | 82 |
| 2 | СКВИЧ (Минск) | 30 | 17 | 7 | 6 | 52-21 | 58 |
| 3 | ДСК-Гомель | 30 | 17 | 7 | 6 | 52-26 | 58 |
| 4 | Гранит (Микашевичи) | 30 | 16 | 8 | 6 | 52-23 | 56 |
| 5 | Руденск | 30 | 12 | 7 | 11 | 37-39 | 43 |
| 6 | Барановичи | 30 | 11 | 10 | 9 | 31-37 | 43 |
| 7 | Полоцк | 30 | 9 | 12 | 9 | 38-34 | 39 |
| 8 | Химик (Светлогорск) | 30 | 10 | 7 | 13 | 37-44 | 37 |
| 9 | Славия-Мозырь | 30 | 10 | 7 | 13 | 33-44 | 37 |
| 10 | Верас (Несвиж) | 30 | 9 | 8 | 13 | 31-39 | 35 |
| 11 | Волна (Пинск) | 30 | 11 | 2 | 17 | 31-48 | 35 |
| 12 | Сморгонь | 30 | 8 | 8 | 14 | 33-43 | 32 |
| 13 | Белкард (Гродно) | 30 | 8 | 6 | 16 | 25-40 | 30 |
| 14 | Ведрич-97 (Речица) | 30 | 8 | 6 | 16 | 29-46 | 30 |
| 15 | Коммунальник (Слоним) | 30 | 5 | 13 | 12 | 23-48 | 28 |
| 16 | Лида | 30 | 4 | 7 | 19 | 23-59 | 19 |