Дадзены тур мусіў прынесці нейкія нечаканасці, бо ў сярэдзіне тыдня адбыўся першы этап Кубка Беларусі, а пасля яго некаторыя каманды гуляюць са змененай псіхалогіяй. Зрэшты, для асобных каманд кубкавая псіхалогія невызначальная, бо ставяцца яны да гэтага турніру абыякава. У нядзелю годна біліся футбалісты “ХБК-2”. Безумоўна, гульцы “Маладзечна” мелі перавагу, як клуб вышэйшы класам, аднак забіваць не атрымлівалася. Адзіны гол Міхаіла Лужынскага на 50-й хвіліне прынёс тры ачкі фаварыту.
.
“Гомельчыгункатранс” сапраўды расце! Расце над сваімі ранейшымі вынікамі. Да таго ж гамельчукі прадэманстравалі невыпадковасць сваёй перамогі над лідэрам лігі “Клечаскам” у кубку, там ва ўпартай барацьбе яны перамаглі 3:2. У чэмпіянаце ж гомельскія футбалісты паехалі недалёка – да Калінкавічаў, дзе далі рады “Вертыкалі”, ды з якім яшчэ лікам – 6:2! Так перамагчы ў гасцявым матчы каманду, што ідзе ўпоравень з табою ў табліцы – выдатны вынік. Гаспадароў не ўратаваў дубль Чуба. Пасля такога разгрому калінкавічцаў трэба лічыць ледзве не аўтсайдэрамі.
.
“Вігвам” і “Зорка-БДУ” сёлета нестабільныя каманды. Гульня паміж імі не была расквечаная “бісіклетамі”, ударамі ў штангі, нізкай бліскучых момантаў для ўзяцця варотаў і завяршылася нулявой нічыёй. Затое нарэшце атрымаў перамогу “Белтрансгаз”. Слонімцы дзякуючы дублю Шаблінскага агоралі “Лівадыю”.
.
Багата вырашалася ў паядынку паміж “Оршай” і “Нёманам” з Мастоў. Клубы высвятлялі месца ў першай пяцёрцы. Пакуль “Орша” не дацягвае да яе, на 36-й хвіліне Генадзь Дудзін адкрыў лік, потым госці маглі забіваць яшчэ – пару разоў “Оршу” выратаваў Сіманенка, і нарэшце, на 90-й мастоўцам удалося ўмацаваць перавагу, вызначыўся Волкаў.
.
“Слуцкцукар” з трэскатам пераадолеў бар’ер у выглядзе шклоўскага “Спартака”. Пасля першай паловы дзякуючы галам каласоўскага і Радзькова чырвона-белыя вялі 2:0. На 55-й Камзолаву ўдалося забіць адзін гол. Аднак далей гульня не пайшла паводле слуцкага сцэнару, атакі былі ўзаемныя. Тым не менш напор “цукарных” дасягнуў вышыняў, і за 11 хвілін да заканчэння матчу Якубоўскі сквітаў лік. А эндшпіль атрымаўся яшчэ лепшым ад ранейшага. Камзолаў і Гурыновіч вырвалі перамогу для сваёй каманды 4:2! Бясспрэчна, матч паміж “Спартаком” і “Слуцкцукрам” аказаўся самым салодкім відовішчам у туры.
.
Аступіўся “Клечаск”, які не выйграў у “Бярозы-2010”, затое “Гарадзея” адыгралася на “Жлобіне” і быццам высунула язык у напрамку сваіх супернікаў, маўляў, лідэр – той, хто найбольш стабільна набірае ачкі, а не пераможца цэнтральных матчаў. Гарадзейцы перамаглі 5:0 і ўсе галы на рахунку Сыраквашкі. Першы пэнта-трык чэмпіянату!
.
Аўтар: Арцём Сізінцаў
.
Вынікі:
ДСК-2 (Гомель) 0:1 Молодечно
.
Вигвам (Смолевичи) 0:0 Звезда-БГУ (Минск)
.
Вертикаль (Калинковичи) 2:6 Гомельжелдортранс
.
Спартак (Шклов) 2:4 Слуцксахар (Слуцк)
.
Орша 0:2 Неман (Мосты)
.
Белтрансгаз (Слоним) 2:1 Ливадия (Дзержинск)
.
Городея 5:0 Жлобин
.
Береза-2010 1:1 Клеческ (Клецк)
| Команда | М | В | Н | П | РМ | О | |
|---|---|---|---|---|---|---|---|
| 1 | Городея | 34 | 27 | 3 | 4 | 112-29 | 84 |
| 2 | Слуцксахар (Слуцк) | 34 | 25 | 6 | 3 | 79-30 | 81 |
| 3 | Клеческ (Клецк) | 34 | 24 | 4 | 6 | 91-35 | 76 |
| 4 | Молодечно | 34 | 17 | 6 | 11 | 69-52 | 57 |
| 5 | Звезда-БГУ (Минск) | 34 | 15 | 10 | 9 | 76-47 | 55 |
| 6 | Береза-2010 | 34 | 16 | 6 | 12 | 57-55 | 54 |
| 7 | Гомельжелдортранс | 34 | 16 | 4 | 14 | 63-58 | 52 |
| 8 | Осиповичи | 34 | 15 | 5 | 14 | 51-64 | 50 |
| 9 | Неман (Мосты) | 34 | 14 | 6 | 14 | 54-50 | 48 |
| 10 | Спартак (Шклов) | 34 | 14 | 6 | 14 | 54-59 | 48 |
| 11 | Вигвам (Смолевичи) | 34 | 10 | 11 | 13 | 32-41 | 41 |
| 12 | Белтрансгаз (Слоним) | 34 | 9 | 13 | 12 | 46-55 | 40 |
| 13 | Гомель-2 | 34 | 9 | 9 | 16 | 37-48 | 36 |
| 14 | Жлобин | 34 | 10 | 4 | 20 | 48-74 | 34 |
| 15 | Орша | 34 | 10 | 3 | 21 | 40-75 | 33 |
| 16 | Вертикаль (Калинковичи) | 34 | 8 | 8 | 18 | 42-67 | 32 |
| 17 | Ливадия (Дзержинск) | 34 | 5 | 6 | 23 | 25-81 | 21 |
| 18 | ДСК-2 (Гомель) | 34 | 3 | 8 | 23 | 19-75 | 17 |