Як заўсёды, чэмпіянат у другой айчыннай лізе пачаць з першых дзён красавіка не ўдалося. Аднак да гэтага ўсе былі гатовы. Канец сярэдняга веснавога месяца тут – традыцыйны старт сезону. На жаль, традыцыйным стаў і факт адмовы ад удзелу ў турніры. Віцебскі “Мясакамбінат”, які правёў у другой лізе некалькі сезонаў, сёлета распісаўся ў нямогласці. Але, нягледзячы на знікненне “Мясакамбіната”, ліга ўсё адно пашырылася. І пашырылася істотна: з 14 да 18 камандаў. З’явіліся два “адлюстраванні” гуляючых у першым дывізіёне “Гомеля” і “ХБК-Гомеля”(ДСК – па-руску), толькі з прыстаўкай “2″, слонімскі “Белтрансгаз”, смалявіцкі “Вігвам”, названы так у гонар фірмы, якую заснаваў уладальнік клубу, і каманда з назвай, якую складана вымавіць: “Гомельчыгункатранс”. Такім чынам, у другой лізе будуць гуляць ажно тры гомельскія клубы.
Цэнтральным супрацьстаяннем стартавага туру стала гульня шклоўскага “Спартака”, які выляцеў летась з эшэлону вышэйшага рангу і стабільнымі “Асіповічамі”. Апошнія лідзіравалі на старце мінулага чэмпіянату, а завяршылі сезон на 6-м месцы. Сур’ёзнай канкурэнцыі ў гэтым матчы гледачы не ўбачылі, а назіралі за трыма галамі гаспадароў, што засталіся без адказу.
“Клечаск” перайграў “Маладзечна” 4:2 і прымусіў яшчэ раз задумацца маладзечанскіх заўзятараў пра заняпад гульні №1 у горадзе, дзе раней мясцовы клуб прадстаўляў Вышэйшую лігу.
Дзяржынская “Лівадыя” прайграла хатні матч мастоўскаму “Нёману” 0:1. Усё вырашыў адзіны гол Паўла Разумовіча на сыходзе гадзіны гульні.
“Орша” дома прымала калінкавіцкую “Вертыкаль”. Праўда, не зусім дома, а ў пасёлку гарадскога тыпу Балбасава, што ў трыццаці хвілінах язды ад гораду. Не вядома, што рабіў на гэтым матчы адказны за прызначэнне суддзяў ва ўсіх трох лігах Сяргей Вітушка, адзіная версія, якая прыходзіць да галавы: Сяргей Дзмітрыевіч сачыў за работай маладой брыгады арбітраў Матусевіч-Жардзецкі-Карась. Дзякаваць Богу, судзейскіх скандалаў не было. А матч стаў вельмі выніковым. Спачатку аршанцы парадавалі адвыклую ад поспехаў роднага клубу публіку хуткім голам, прычым у выкананні гадаванца аршанскага футболу Максіма Шасцярнёва. Але тут жа засмуцілі: Дзмітрый Дзенісюк выдатна выканаў штрафны ўдар -1:1. Два наступныя галы таксама нарадзіліся пасля штрафных Дзенісюка, двойчы мяч адлятаў ад перакладзіны, і двойчы “Вертыкаль” удала гуляла на дабіванні. Пад канец матчу ў вароты “Оршы” заляцеў і чацвёрты мяч, які стаў самым кур’ёзным. І зноўку гол быў забіты пасля стандарту, на гэты раз вуглавога, – 1:4.
Але разгром “Оршы” не быў адзіным у туры. “Бяроза-2010” “уляцела” з такім жа лікам і таксама дома ад “Гомеля-2”, пра паразу “Асіповічаў” мы ўжо згадвалі, і нарэшце “Жлобін” дома саступіў 0:3 “Слуцкцукру”.
Затое без роздумаў стартаваў дэбютант – “Вігвам”. Футбалісты са Смалявічаў перамаглі на выездзе “ХБК-2” з Гомелю. Дублем вызначыўся Вячаслаў Бахмуцкі, прычым забіў ён на самым пачатку і на самым канцы сустрэчы. “Гарадзея” пацвердзіла свае прэтэнзіі на вышыні табліцы ўпэўненай перамогай над “Гомельчыгункатрансам” 2:0, а слонімскі “Белтрансгаз” ва ўпартай барацьбе здабыў перамогу над сталічнай “Зоркай-БДУ” 3:2. Алег Герасімчык аформіў у гэтым паядынку дубль і менавіта ён забіў пераможны гол.
Аналізаваць табліцу пасля першага туру, натуральна ж, рана. Аднак варта зафіксаваць цікавы факт – каманды не былі млявымі, ва ўсіх сустрэчах забіваліся мячы і не было ніводнага нічыйнага выніку. У гэтым першы тур сёлетняй другой лігі не традыцыйны. Са стартам, другая Ліга!
.
Автор: Артем Сизинцев
Вынікі:
Ливадия (Джержинск) – Неман (Мосты) – 0:1
Гол: Павел Разумович(61)
ДСК-2(Гомель) – Вигвам(Смолевичи) – 0:2
Голы: Вячеслав Бахмутский(5); Вячеслав Бахмутский(90+2)
Орша – Вертикаль (Калинковичи) – 1:4
Голы: 1:0 – Максим Шестернев(8); 1:1 – Дмитрий Вас. Денисюк(10); 1:2 – Александр Чуб(20); 1:3 – Евгений Тарун(27); 1:4 – Евгений Кулешевич(89).
Городея – Гомельжелдортранс – 2:0
Голы: 1:0 – Владимир Маковский(30); 2:0 – Владимир Маковский(38).
Береза-2010 – Гомель-2 – 1:4
Голы: 0:1 – Игорь Аксенов(19); 0:2 – Юрий Василец(64); 1:2 – Сергей Врублевский(78); 1:3 – Павел Зубцовский(90); 1:4 – Александр Дашук(90+1).
Клеческ (Клецк) – Молодечно – 4:2
Голы: 0:1 – Дмитрий Вышинский(18); 1:1 – Василий Клочков(19); 2:1 – Илья Давыденко(23); 2:2 – Роман Винцуковский(58); 3:2 – Алексей Вискушенко(74); 4:2 – Алексей Мазаник(78).
Спартак (Шклов) – Осиповичи
Голы: 1:0 – Дмитрий Радьков(4); 2:0 – Виталий Семериков(17,аг); 3:0 – Ренат Агаев(44).
Белтрансгаз (Слоним) – Звезда-БГУ – 3:2
Голы: 1:0 – Дмитрий Оначенко(10); 2:0 – Олег Герасимчик(38); 2:1 – Юрий Юрченко(57); 2:2 – Александр Сорокин(60); 3:2 – Олег Герасимчик(80).
Жлобин – Слуцксахар (Слуцк) – 0:3
Голы: 0:1 – Андрей Кутешенко(50); 0:2 – Денис Костюкевич(72); 0:3 – Станислав шахраев(82).